სპექტაკლი "მედეა" ახალშენის საჯარო სკოლის მოსწავლეებმა დადგეს
ხელვაჩაურის კულტურის ცენტრში, სოფელ ახალშენის N2 საჯარო სკოლის მოსწავლეების მონაწილეობით სპექტაკლი „მედეა“ გაიმართა. სცენარის ავტორობა და რეჟისორობა ამავე, სკოლის დირექტორმა ნატო ჯაში-შაინიძემ იტვირთა. რეჟისორის გადაწყვეტით, სპექტაკლში მოსწავლეებმა გვანახეს თუ როგორ შექმნა ევრიპიდემ თავისი უკვდავი ქმნილება, ტრაგედია ,,მედეა“, შემდგომ კი - თუ როგორ განვითარდა მოვლენები ისტორიულად.
სპექტაკლს პარლამენტის ვიცე-სპიკერი ილია ნაკაშიძე, ხელვაჩაურის მუნიციპალიტეტის საკრებულოს თავმჯდომარე ნადიმ ვარშანიძე, ხელვაჩაურის საკრებულოს დეპუტატები, რესურსცენტრის უფროსი ნევრესტან დიდმანიძე, თანამშრომლები და მუნიციპალიტეტის საჯარო სკოლების დირექტორები ესწრებოდნენ.
