სიას წარმომადგენლებმა ხელვაჩაურში პრეზენტაცია გამართეს
დღეს, 12:00 საათზე, ხელვაჩაურის მუნიციპალიტეტის მერიის ადმინისტრაციული შენობის სააქტო დარბაზში საზოგადოებრივი ორგანიზაცია სოციალური ინიციატივების ალიანსის (სია) წარმომადგენლებმა ხელვაჩაურის მუნიციპალიტეტის მერიისა და საკრებულოს თანამშრომლებისთვის გამართეს პროექტების პრეზენტაცია - „DCFTA ახალი შესაძლებლობებისთვის“ და „მოსახლეობის ცნობიერების ამაღლება DCFTA-ის შესახებ ხელვაჩაურის მუნიციპალიტეტში.“
პროექტი მიზნად ისახავს:
ღრმა და ყოვლისმომცველი თავისუფალი სავაჭრო სივრცის შესახებ ფერმერების, მეწარმეების და თვითმმართველობის წარმომადგენლების ინფორმირებულობის დონის ამაღლება, მათ შორის ახალგაზრდებისა და ქალების;
ევროკავშირთან ასოცირების ხელშეკრულებით ნაკისრი ვალდებულებების განხორციელების ხელშეწყობა ადგილობრივ დონეზე;
ევროკავშირის ბაზარზე ქართული პროდუქტის ექსპორტის ხელშეწყობა.
პროექტები დაფინანსებულია ევროკავშირის მიერ.
