საქველმოქმედო კონცერტი ლიზი დიასამიძის დასახმარებლად
2018 წლის 22 მარტს, ხელვაჩაურის ახალგაზრდობის ცენტრის წევრების, ხელვაჩაურში მცხოვრები ახალგაზრდების ინიციატივით საქველმოქმედო კონცერტი ჩატარდა. კონცერტში მონაწილეობას ახალგაზრდა მომღერლები, მათ შორის ,,იქს-ფაქტორის" გამარჯვებული გიორგი ნაკაშიძე, ქორეოგრაფები და ახალგაზრდა პოეტები ღებულობდნენ. პროგრამის მომზადება და ბილეთების გაყიდვა ახალგაზრდებმა დამოუკიდებლად განახორციელეს. კონცერტი ხელვაჩაურის კულტურის ცენტრში 6 წლის ლიზი დიასამიძის დასახმარებლად გაიმართა. საქველმოქმედო კონცერტის ჩატარების იდეა ახალგაზრდებს, როგორც თვითონ აღნიშნეს, მშვიდობის კორპუსის ამერიკელი მოხალისის დეინა ვაისის მიერ ჩატარებულ ტრენინგზე გაუჩნდათ.
