ხელვაჩაურის მუნიციპალიტეტის გამგეობა გილოცავთ საბავშვო ბაღებში სასწავლო-სააღმზრდელო პროცესის დაწყებას!
ძვირფასო პატარებო, პედაგოგებო და მშობლებო!
განსაკუთრებული სიყვარულით და მოწიწებით ვულოცავთ ახალი სასწავლო-სააღმზრდელო პროცესის დაწყებას ხელვაჩაურის საბავშვო ბაღების აღსაზრდელებს და მათ მშობლებს. ხელვაჩაურის მუნიციპალიტეტის მიზანია კომფორტულ გარემოში სრულფასოვანი სკოლამდელი აღზრდის განათლება მიიღოს თითოეულმა ბავშვა. სწორედ ამიტომ მიმდინარე წელს მუნიციპალიტეტში აშენდა 6 ახალი ბაღი და 2 ბაღის მშებნებლობა მიმდინარეობს. ამჟამად ხელვაჩაურში 15 საბავშვო ბაღი ფუნქციონირებს.
ხელვაჩაურის საბავშვო ბაღებში ამ ეტაპზე 1605 აღსაზრდელი ირიცხება. პარალელურად კი მიმდინარეობს პატარების რეგისტრაციის პროცესი.
მიმდინარე წელს ხელვაჩაურის მუნიციპალიტეტში 3 (მახინჯაური, ფერია, ხელვაჩაური) სკოლამდელი აღზრდის დაწესებულების გახსნაა დაგეგმილი.
წელს ყველა სკოლამდელი აღზრდის დაწესებულებაში ეყოლებათ ფსიქოლოგის, ლოგოპედისა და სპეცპედაგოგის სპეციალისტები. ასევე დაინერგა სასკოლო მზაობის პროგრამა, გადამზადების კურსები გაიარეს აღმზრდელ-მასწავლებლებმა და ექთნებმა.
