ანონსი

ანონსი

   2017 წლის 24 თებერვალს 15:30 საათზე, ხელვაჩაურის ახალგაზრდობის ცენტრის ინტელექტკლუბის ფარგლებში ჩატარდება ინტელექტუალური თამაში: ,,რა? სად ?როდის? " მონაწილეობა თავისუფალია.

       საკრებულოში მოქალაქეთა მიერ  შემოტანილი პეტიციები მუნიციპალიტეტმა დააკმაყოფილა

საკრებულოში მოქალაქეთა მიერ შემოტანილი პეტიციები მუნიციპალიტეტმა დააკმაყოფილა

დღეს ხელვაჩურის მუნიციპალიტეტის საკრებულოში მოქმედმა სამუშაო ჯგუფმა მორიგი შეხვედრა გამართა. სხდომაზე სამუშაო ჯგუფის ხელმძღვანელმა ჯუმბერ ვარდმანიძემ ხუთივე პეტიციის შესახებ გააკეთა მოხსენება, რომელიც სამუშაო ჯგუფის წევრებსა და პეტიციის წარმომდგენ მოქალაქეებს გააცნო. ხელვაჩაურის მუნიციპალიტეტის ტერიტორიაზე მდებარე სოფლებსა და დაბაში, სადაც პეტიციის წარმოდგენის დროისათვის საჯარო რეესტრის მონაცემებით დამისამართება გაკეთებულია, აბრებისა და ნიშნულების განთავსების საკითხი გადაწყდა დადებითად, რაც შეხება სოფელ წინსვლაში #20 ქუჩის რეაბილიტაციის საკითხს, აღნიშნული გზის მონაკვეთი 1200 გრძივ მეტრს შეადგენს მთლიანი ღირებულება კი 135000 ლარს, რომლის განხორციელება მოხდება შესაბამისი პროექტის მომზადების შემდეგ.
შეხვედრა საჯარო სკოლის დირექტორებთან

შეხვედრა საჯარო სკოლის დირექტორებთან

      აჭარის განათლების, კულტურისა და სპორტის მინისტრი ინგა შამილიშვილი და ხელვაჩაურის მუნიციპალიტეტის გამგებელი ნადიმ ვარშანიძე ხელვაჩაურის რესურსცენტრის წარმომადგენლებს და  მუნიციპალიტეტის საჯარო სკოლების დირექტორებს შეხვდნენ. 
   შეხვედრაზე მინისტრმა დორექტორებს სამინისტროს მიერ დაგეგმილი და მიმდინარე პროექტები გააცნო და აღნიშნა, რომ მნიშვნელოვანია დირექტორების მხრიდან მაქსიმალური ჩართულობა, როგორც საგანმანათლებლო, ასევე კულტურულ პროექტებში. 

ახალგაზრდობის ცენტრში  ბათუმის ამერიკული კუთხის წარმომადგენლები იმყოფებოდნენ

ახალგაზრდობის ცენტრში ბათუმის ამერიკული კუთხის წარმომადგენლები იმყოფებოდნენ

    დღეს ხელვაჩაურის ახალგაზრდობის ცენტრში  ბათუმის ამერიკული კუთხის წარმომადგენლები იმყოფებოდნენ, რომლებმაც ადგილობრივ ახალგაზრდებს გააცნეს ამერიკული კუთხის პროგრამები, პროექტები და ჩართულობის გზები. მათ ასევე ახალგაზრდებს მიაწოდეს ინფორმაცია თანამედროვე ტექნოლოგიებით სარგებლობის შესახებ.

 

ხელვაჩაურის მუნიციპალიტეტის სოფელ კაპრეშუმში ახალი სკოლის მშენებლობა დაიწყო

ხელვაჩაურის მუნიციპალიტეტის სოფელ კაპრეშუმში ახალი სკოლის მშენებლობა დაიწყო

ხელვაჩაურის მუნიციპალიტეტის სოფელ კაპრეშუმში ახალი სკოლის მშენებლობა დაიწყო. აჭარის განათლების, კულტურისა და სპორტის მინისტრის მოადგილემ მირიან ქათამაძემ და სახელმწიფო შესყიდვების დეპარტამენტის უფროსმა ჯემალ სურმანიძემ სკოლის სამშენებლო სამუშაოების დაწყება დაათვალიერეს, კომპანიის წარმომადგენლებს შეხვდნენ და პროექტის ავტორებთან ერთად მშენებლობის დეტალები განიხილეს.

ხელვაჩაურის კულტურის სფეროს წარმომადგენლებს განათლების მინისტრი შეხვდა

ხელვაჩაურის კულტურის სფეროს წარმომადგენლებს განათლების მინისტრი შეხვდა

   დღეს, აჭარის ავტონომიური რესპუბლიკის განათლების, კულტურისა და სპორტის მინისტრი ინგა შამილიშვილი, მინისტრის მოადგილე თეონა ბერიძე და ხელვაჩაურის მუნიციპალიტეტის გამგებელი ნადიმ ვარშანიძე ხელვაჩაურის კულტურის ორგანიზაციების წარმომადგენლებსა და ანსამბლ „ათძალის“ წევრებს შეხვდნენ. 
გამგებელმა და მინისტრმა მადლობა გადაუხადა ანსამბლ „ათძალის“ ხელმძღვანელსა და წევრებს აჭარის რეგიონის პოპულარიზაციაში შეტანილი წვლილისთვის. 
    ინგა შამილიშვილმა აღნიშნა, რომ ანსამბლი გამოირჩევა საშემსრულებლო ოსტატობის მაღალი ხარისხით, წარმატებით მონაწილეობს საქართველოსა და საერთაშორისო მასშტაბის ფესტივალებში, კონცერტებსა და პროექტებში, რაც ხელს უწყობს ქართული კულტურის პოპულარიზაციას როგორც ადგილობრივად, ასევე, საერთაშორისო მასშტაბით.

ხელვაჩაურის მუნიციპალიტეტში სტუდენტთა მხარდაჭერის პროგრამა გრძელდება

ხელვაჩაურის მუნიციპალიტეტში სტუდენტთა მხარდაჭერის პროგრამა გრძელდება

    ხელვაჩაურის მუნიციპალიტეტში სტუდენტთა მხარდაჭერის პროგრამა გრძელდება. განაცხადების მიღება 2017 წლის 31 მარტამდე გაგრძელდება. 
   პროგრამით ისარგებლობენ ხელვაჩაურის მუნიციპალიტეტში რეგისტრირებული ის სტუდენტები, რომლებსაც 2016 – 2017 სასწავლო წლის მეორე სემესტრში თითოეულ საგანში აქვს მაღალი აკადემიური მოსწრება (91 და მეტი ქულა) და სწავლობს საქართველოს აკრედიტირებულ უმაღლეს სასწავლებელში.
   დაინტერესებულმა პირმა ხელვაჩაურის მუნიციპალიტეტში უნდა წარმოადგინოს შემდეგი დოკუმენტები: 

ხელვჩაურის მუნიციპალიტეტის საკრებულოში  სამუშაო ჯგუფის წევრებმა  პეტიციები განიხილეს

ხელვჩაურის მუნიციპალიტეტის საკრებულოში სამუშაო ჯგუფის წევრებმა პეტიციები განიხილეს

დღეს ხელვაჩაურის მუნიციპალიტეტის სააქტო დარბაზში მუნიციპალიტეტის საკრებულოში შექმნილმა სამუშაო ჯგუფმა მოქალაქეთა მიერ შემოტანილი პეტიციების განსახილველად შეხვედრა გამართა. შეხვედრაზე ჯგუფის წევრებმა ხუთი პეტიცია განიხილეს, მათ შორის სოფელ ერგეში საბავშვო ბაღის აშენების, სოფელ ახალსოფელში მოქმედი სტადიონის მიმდებარე ტერიტორიაზე სკვერის მოწყობის, სოფელ მახოში კულტურის ცენტრის აშენების, სოფელ წინსვლაში #20 ქუჩის რეაბილიტაციისა და მუნიციპალიტეტის ტერიტორიაზე მდებარე სოფლებსა და დაბებში აბრებისა და ნიშნულების გაკეთება-განთავსება.

 ახალგაზრდობის ცენტრში შშმ პირთა მშობელთა კლუბის მორიგი შეხვედრა გაიმართა

ახალგაზრდობის ცენტრში შშმ პირთა მშობელთა კლუბის მორიგი შეხვედრა გაიმართა

    ხელვაჩაურის ახალგაზრდობის ცენტრში შეზღუდული შესაძლებლობის მქონე პირთა მშობელთა კლუბის მორიგი სამუშაო შეხვედრა გაიმართა. შეხვედრაზე შეზღუდული შესაძლებლობის მქონე პირთა სკოლამდელი და ზოგადი განათლების, სოციალური დაცვისა და ჯანმრთელობის უზრუნველყოფის, საზოგადოებრივი სერვისების ხელმისწავდომობის საკითხებზე. 
    სამუშაო შეხვედრას მშობლები და გამგეობის განათლების, კულტურის, სპორტის, ტურიზმის, ძეგლთა დაცვისა და ახალგაზრდულ საქმეთა სამსახურის უფროსი ქეთევან დევაძე ესწრებოდნენ.

 ხელვაჩაურის მუნიციპალიტეტის 13-ვე საბავშვო ბაღში სააღმზრდელო პროცესი მიმდინარეობს

ხელვაჩაურის მუნიციპალიტეტის 13-ვე საბავშვო ბაღში სააღმზრდელო პროცესი მიმდინარეობს

    დღეს ხელვაჩაურის მუნიციპალიტეტის 13-ვე საბავშვო ბაღში სააღმზრდელო პროცესი შეუფერხებლად მიმდინარეობს.

    სასწავლო პროცესი შეუფერხებლად მიმდინარეობს ყველა საჯარო სკოლაში.

   რაც შეეხება გზებს, მიმდინარეობს შიდა სასოფლო გზების გაწმენდითი სამუშაოები.
წარმატებულ დღეს გისურვებთ!