საჯარო სკოლებს შორის ჭადრაკში ტურნირი დასრულდა

საჯარო სკოლებს შორის ჭადრაკში ტურნირი დასრულდა

ხელვაჩაურის მუნიციპალიტეტის საჯარო სკოლებს შორის ჭადრაკში ტურნირი დასრულდა. შეჯიბრში 12 სკოლის 60 მოსწავლე მონაწილეობდა. გუნდებს შორის პირველი ადგილი მახინჯაურის საჯარო სკოლამ, მეორე ახალსოფლის, ხოლო მესამე ადგილი ერგეს საჯარო სკოლამ დაიკავა.
ხელვაჩაურის მუნიციპალიტეტის განათლების, კულტურის, სპორტის, ძეგლთა დაცვისა და ახალგაზრდულ საქმეთა სამსახურის უფროსმა გამარჯვებულებს სიგელები, თასები და ფასიანი საჩუქრები გადასცა.

ტრენინგი თემაზე:

ტრენინგი თემაზე: "პროფესიის არჩევა"

2017 წლის 29 ოქტომბერს, კვირას, 12:00 - 15:30 საათამდე ჩატარდება ტრენინგი, თემა" მომავალი პროფესიის არჩევა". ტრენერად მოწვეულია ბათუმის შოთა რუსთაველის სახელმწიფო უნივერსიტეტის ასოცირებული პროფესორი, სოციალურ მეცნიერებათა ფაკულტეტის დეკანი, პრაქტიკოსი ფსიქოლოგი ქეთევან ბერიძე.
ტრენინგზე მონაწილეობის უფლება აქვთ ხელვაჩაურის მუნიციპალიტეტში მცხოვრებ აბიტურიენტებს.
ადგილები შეზღუდულია, დაინტერესებული პირები ტრენინგზე უნდა დარეგისტრირდნენ წინამდებარე სარეგისტრაციო ფორმის მეშვეობით 2017 წლის 27 ოქტომბრის ჩათვლით.

კონკურსი  დამწყები მხატვრებისთვის და პროზაიკოსებისათვის

კონკურსი დამწყები მხატვრებისთვის და პროზაიკოსებისათვის

ბავშვთა და ახალგაზრდობის ეროვნული ცენტრი პროგრამის „ახალგაზრდული ფესტივალი - 2017“ ფარგლებში დამწყები მხატვრებისა და პროზაიკოსებისათვის აცხადებს კონკურსებს სახელწოდებით „შექმენი შენი კალენდარი“ და „შექმენი შენი თავგადასავალი“. 
მონაწილეობის მსურველთათვის გასათვალისწინებელი ინფორმაცია:

კონკურსი „ჩვენი თავგადასავალი“ - დამწყები პროზაიკოსებისათვის
კონკურსში მონაწილეობა შეუძლიათ წერის ნიჭით დაჯილდოებულ 14-18 წლის მოზარდებს, რომელთაც თავიანთი მოთხრობები (მხატვრული ნაწარმოებები“ 30 ოქტომბრამდე უნდა გამოგზავნონ ელექტრონულ მისამართზე : Chvenitavgadasavali@gmail.com

ხელვაჩაურის  მუნიციპალიტეტის    საკრებულოს განცხადება

ხელვაჩაურის მუნიციპალიტეტის საკრებულოს განცხადება

ხელვაჩაურის მუნიციპალიტეტის საკრებულოს მორიგი    სხდომა  ჩატარდება  მიმდინარე წლის 27 ოქტომბერს, 12   საათზე.   საკრებულოს ადმინისტრაციული შენობის სააქტო დარბაზში. საკრებულოს  წევრთა  რეგისტრაცია  დაიწყება  11  -  საათიდან.

 სხდომის დღის წესრიგი

 

ტრენინგი თემაზე:

ტრენინგი თემაზე: "კომუნიკაციის ფსიქოლოგია"

2017 წლის 28 ოქტომბერს შაბათს, 14:00 საათზე ხელვაჩაურის ახალგაზრდობის ცენტრში ჩატარდება ტრენინგი, თემა: "კომუნიკაციის ფსიქოლოგია", რომელსაც გაუძღვება ბათუმის შოთა რუსთაველის სახელმწიფო უნივერსიტეტის ასოცირებული პროფესორი, სოციალურ მეცნიერებათა ფაკულტეტის დეკანი ქალბატონი ქეთევან ბერიძე.

რეგისტრაციის ვადა: 24 დან 26 ოქტომბრის ჩათვლით, ადგილები შეზღუდულია.
ტრენინგზე დასწრება შეუძლიათ ხელვაჩაურის მუნიციპალიტეტში მცხოვრებ ახალგაზრდებს 14 წლიდან.
დარეგისტრირებული კანდიდატებისთვის ტრენინგზე დასწრება აუცილებელია.

უპირატესობა მიენიჭებათ იმ კანდიდატებს ვისაც არასდროს გაუვლია აღნიშნულ თემაზე ტრენინგი.


ტრენინგის ხანგრძლივობა: სამსაათ ნახევარი (ლანჩის გათვალისიწნებით).

ხელვაჩაურის მუნიციპალიტეტის კიდევ 156  მოქალაქეს სტატუსი მიენიჭა

ხელვაჩაურის მუნიციპალიტეტის კიდევ 156 მოქალაქეს სტატუსი მიენიჭა

საქართველოს კანონის ,,მაღალმთიანი რეგიონების განვითარების შესახებ“ და საქართველოს მთავრობის 2015 წლის 19 ნოემბრის N591 დადგენილების საფუძველზე ხელვაჩაურის მუნიციპალიტეტში შექმნილმა ,,მაღალმთიან დასახლებაში მუდმივად მცხოვრებთა   სტატუსის მართვის საბჭომ“  2017 წლის 13 ოქტომბერს რიგით N11 სხდომაზე განიხილა 156 მოქალაქის განცხადება - სტატუსის მინიჭების თაობაზე და გაუწია დადებითი რეკომენდაცია. აღნიშნული საბჭოს რეკომენდაციის საფუძველზე ხელვაჩაურის მუნიციპალიტეტის გამგებლის პირველმა მოადგილემ 2017 წლის 16 ოქტომბერს გამოსცა შესაბამისი ინდივიდუალურ-სამართლებრივი აქტები სტატუსის მინიჭებაზე.

სტიქიის შედეგად დაზარალებულთა მდგომარეობას გეოლოგები სწავლობენ

სტიქიის შედეგად დაზარალებულთა მდგომარეობას გეოლოგები სწავლობენ

ხელვაჩაურში სტიქიის სალიკვიდაციო ღონისძიებების გატარება დღეს დილიდან დაიწყო. ამჟამად დაზარალებულების მდგომარეობას  გეოლოგები სწავლობენ. სოფელ მახინჯაურში 5 ოჯახში მიმდინარეობს დაზიანებული ელექტროგადამცემი ხაზების აღდგენითი სამუშაოები. 

 ხელვაჩაურში გზების გაწმენდითი სამუშაოები გრძელდება

ხელვაჩაურში გზების გაწმენდითი სამუშაოები გრძელდება

დღეს დილიდან ხელვაჩაურის მუნიციპალიტეტის სოფლებში ჩამოწოლოლი მიწის მასიგან გზების გაწმენდითი სამუშაოები მიმდინარეობს. ამჟამად შექმნილი ვითარება მართვადია. 
ძლიერი ქარისა და წვიმის შედეგად ხელვაჩაურის მუნიციპალიტეტის სოფლებში ჩამოწოლოლი მიწის მასისგან ზედა თხილნარში,სოფელ წინსვლაში და აგარაში საგზაო დეპარტამენტის ტექნიკით გაწმენდითი სამუშაოები გრძელდება. 

ძლიერ წვიმის შემდეგ ხელვაჩაურის მუნიციპალიტეტში 4 სტიქიის კერა დაფიქსირდა

ძლიერ წვიმის შემდეგ ხელვაჩაურის მუნიციპალიტეტში 4 სტიქიის კერა დაფიქსირდა

 

 ძლიერ წვიმის შემდეგ ხელვაჩაურის მუნიციპალიტეტში 4 მეწყრული კერა დაფიქსირდა.შექმნილი ვითარება მართვადია.  ზედა თხილნარში საჯარო სკოლასთან ჩამოწვა მიწის მასა და ჩაიკეტა გზა. ამჟამად საგზაო დეპარტამენტის ტექნიკით მიმდინარეობს გაწმენდითი სამუშაოები. სოფელ წინსვლაში და აგარაში ცენტრალურ გზაზე განვითარდა მეწყრული პროცესები.

გილოცავთ სვეტიცხოვლობას!

გილოცავთ სვეტიცხოვლობას!

ხელვაჩაურის მუნიციპალიტეტის გამგეობა და ხელვაჩაურის საკრებულო გილოცავთ სვეტიცხოვლობის დღესასწაულს! 

 უფლის ჯვარცმის შემდეგ მისი კვართი წილად მცხეთაში მცხოვრებ ებრაელებს - ელიოზსა და ლონგინოზს ერგოთ, რომლებმაც სიწმინდე მცხეთაში ჩამოაბრძანეს. ელიოზის დამ, სიდონიამ კი უფლის კვართი გულში ჩაიკრა და სული განუტევა. იგი სიწმინდესთან ერთად დაკრძალეს. სიდონიას საფლავზე კი კვიპაროსის ხე ამოვიდა.