ხელვაჩაურის მუნიციპალიტეტი მუსლიმ მრევლს ყურბან-ბაირამს ულოცავს

ხელვაჩაურის მუნიციპალიტეტი მუსლიმ მრევლს ყურბან-ბაირამს ულოცავს

ხელვაჩაურის მუნიციპალიტეტის გამგეობა და ხელვაჩაურის საკრებულო საქართველოში მცხოვრებ მუსლიმ მრევლს ყურბან-ბაირამის ბრწყინვალე დღესასწაულს ულოცავს! გისურვებთ მშვიდობას,კეთილდღეობას, სულიერ სიმტკიცეს და ურთიერთპატივისცემას!

ზედა ახალშენში შიდა სასოფლო გზა დაბეტონდა

ზედა ახალშენში შიდა სასოფლო გზა დაბეტონდა

სოფელ ზედა ახალშენში (ჯიბინაურის დასახლებაში) შიდა სასოფლო გზა დაბეტონდა. მიმდინარე წელს ადგილობრივი ბიუჯეტიდან გზების მოსაწესრიგებლად 715 000 ლარია გამოყოფილი. ამჟამად გზების დასაბეტონებლად 250 000 ლარის ღირებულების პროექტზე ტენდერია გამოცხადებული. 
ხელვაჩაურის მუნიციპალიტეტში 2013-2015 წლებში განხორციელდა გზების რეაბილიტაცია:ადგილობრივი ბიუჯეტით - 6,6 კმ; სოფლის მხარდაჭერის პროგრამით - 90,2 კ;
2016 წლისათვის სოფლის მხარდაჭერის პროგრამით გზების რეაბილიტაციისთვის გამოყოფილი იქნა 1 401 355 ლარი.

ივერიის და აწყურის ღვთისმშობლის ხატების შესახებ ფილმის ჩვენება

ივერიის და აწყურის ღვთისმშობლის ხატების შესახებ ფილმის ჩვენება

დღეს ხელვაჩაურის მუნიციპალიტეტის სააქტო დარბაზში ივერიის და აწყურის ღვთისმშობლის ხატების შესახებ დოკუმენტური ფილმის ჩვენება მოეწყო. ფილმის შესახებ განხილვა მამა ლუკამ გააკეთა. ჩვენებას ხელვაჩაურის მუნიციპალიტეტის გამგებლის პირველი მოადგილე ნოდარ ხალვაში, პედაგოგები, გამგეობის, ხელვაჩაურში საქართველოს პარლამენტის ბიუროსა და საკრებულოს თანამშრებლები ესწრებოდნენ.
ფილმის ჩვენება საზოგადოებასთან ურთიერთობის განყოფილებისა და „ქალთა ოთახის“ ორგანიზებით გაიმართა. 

გამგებელი სოფ. ზანაქიძეების მოსახლეობას შეხვდა

გამგებელი სოფ. ზანაქიძეების მოსახლეობას შეხვდა

დღეს ხელვაჩაურის მუნიციპალიტეტის გამგებელი ნადიმ ვარშანიძე სოფელ ზანაქიძეების მოსახლეობას შეხვდა. გამგებელს ადგილობრივებმა სოფელში წყლის საქაჩთან დაკავშირებით არსებული პრობლემის მოგვარება თხოვეს. ნადიმ ვარშანიძემ მოსახლეობას განუმარტა, რომ უახლოეს მომავალში სასმელი წყლის მიწოდების პრობლემა აღმოიფხვრება, რადგან წყლის საქაჩის შესაძენად უკვე ტენდერი გამოცხადებულია. სოფელ ზანაქიძეებში(გემულაურის დასახლებაში) ახალი წყლის საქაჩის დამონტაჟების შემდეგ 40 ოჯახს სასმელი წყლის მიწოდების პრობლემა მოეხსნება.

სარფში სკოლის მშენებლობის პროცესს გამგებელი გაეცნო

სარფში სკოლის მშენებლობის პროცესს გამგებელი გაეცნო

ხელვაჩაურის მუნიციპალიტეტში სარფში თანამედროვე სტანდარტების შესაბამისი საჯარო სკოლის სამშენებლო პროცესი დაიწყო. დღეს საძირკვლის მოსამზადებელ სამუშაოებს ადგილზე ხელვაჩაურის მუნიციპალიტეტის გამგებელი ნადიმ ვარშანიძე აჭარის ა.რ განათლების, კულტურისა და სპორტის მინისტრის მოადგილე მირიან ქათამაძე გაეცნო. ობიექტის მშენებლობას ტენდერში გამარჯვებული შპს „დამბა“ აწარმოებს, რომელიც 2018 წლის სექტემბრის თვეში უნდა დასრულდეს. 

გამგეობის თანამშრომლებმა ივერიის და აწყურის ღვთისმშობლის ხატები მოილოცა

გამგეობის თანამშრომლებმა ივერიის და აწყურის ღვთისმშობლის ხატები მოილოცა

დღეს ხელვაჩაურის მუნიციპალიტეტის გამგებელი ნადიმ ვარშანიძე სარფის წმ. ანდრია პირველწოდებულის სახელობის ტაძარში იმყოფებოდა, სადაც ივერიის და აწყურის ღვთისმშობლის ხატები მოილოცა. უწმიდესის და უნეტარესის ილია II-ის, სრულიად საქართველოს კათოლიკოს-პატრიარქის ლოცვა-კურთხევით მიმდინარე წლის 27 აგვისტოს 17:00 საათზე სარფის წმ. ანდრია პირველწოდებულის სახელობის ტაძარში ივერიის და აწყურის ღვთისმშობლის ხატები დააბრძანეს. 

94 ფერდსამაგრი კედლის მოწყობისთვის ტენდერია გამოცხადებული

94 ფერდსამაგრი კედლის მოწყობისთვის ტენდერია გამოცხადებული

ხელვაჩაურის მუნიციპალიტეტის სოფლებში ფერდსამაგრი კედლების მოწყობის სამუშაოები აქტიურად გრძელდება. დღეის მდგომარეობით მუნიციპალიტეტში 75 ობიექტზე ფერდსამაგრი კედელი უკვე მოეწყო. ამჟამად კი 94 კედლის მშენებლობისთვის ტენდერია გამოცხადებული. 
2017 წელს ფერდსამაგრების მოწყობისთვის ადგილობრივი ბიუჯეტიდან 850 000 ლარია გამოყოფილი.

ანონსი:

ანონსი:

ხელვაჩაურის მუნიციპაიტეტში "სტუდენტური მხარდაჭერის" პროგრამის ფარგლებში საბუთების მიღება გრძელდება. განცხადებების მიღების ბოლო ვადა მიმდინარე წლის 31 აგვისტოა. იჩქარეთ!

ანონსი:

ანონსი:

2017 წლის 5 სექტემბერს 11:00 საათზე ხელვაჩაურის მუნიციპალიტეტის ახალგაზრდობის ცენტრში ინტელექტუალური თამაში: "რა? სად? როდის?" წლის შემაჯამებელი შეხვედრა გაიმართება.

საარჩევნოდ პლაკატების განთავსების ადგილები განისაზღვრა

საარჩევნოდ პლაკატების განთავსების ადგილები განისაზღვრა

დღეს გამართულ საკრებულოს სხდომაზე საკრებულოს წევრებმა დღის წესრიგით გათვალისწინებულ 3 საკითხს უყარეს კენჭი.
   დეპუტატებმა განკარგულების პროექტზე-”საარჩევნო პლაკატების გასაკრავად და გამოსაფენად ადგილების გამოყოფის შესახებ”იმსჯელეს. დღესვე განისაზღვრა ის შენობა-ნაგებობები, სადაც აკრძალულია საარჩევნო პლაკატების (სააგიტაციო მასალის) განთავსება.ასევე დამტკიცდა იმ ობიექტების ნუსხა სადაც შესაძლებელი იქნება ზემოთ აღნიშნული მასალების განთავსება. 
სხდომას 15 დეპუტატი ესწრებოდა.