ელექტრო ღობეების მოწყობა მაჭახლის ხეობაში
ხელვაჩაურის მერია მაჭახლის ხეობაში, სასოფლო-სამეურნეო მიწის ნაკვეთებზე ელექტრო ღობეების მოწყობას იწყებს.
მერიის ბუნებრივი რესურსებისა და აგრარულ საკითხთა სამსახურის მიერ შემუშავებული პროგრამით 43 ბენეფიციარი ისარგებლებს.
ე.წ. ელექტრო მწყემსი უსაფრთხოა, იმუხტება მზის ენერგიით და არ აქვს დანახარჯი.
პროექტის განხორციელებისათვის 75 000 ლარია გამოყოფილი. 2020 წელს პროგრამის ფარგლებში 22 ჰა მიწის ფართობი დაიღობება.
